Miroooh's Blog

Just another WordPress.com site

19-10-2010

مسسساكم محمد عبده
ومقطع استواله ساعه يغنييه . ,

ومحمد عبده يقول وحشتنا و اللي وراه يقولون ياحبيب
ومحمد عبده يقول وحشتنا و اللي وراه يقولون ياحبيب

وكل ساعه يعيدون

إنزين ؛ شخباركم , علومكم طبيبن انشالله
آآول شي طبعن الرقوصه حق ؛*

Super.MunMun
Different
اوووووف
* є в d α 3
Oxygen
َغيآبْ.!
x.emano
بنوته توته

طبعن اسمحولي اذا نسيت حد من كثر التقيمات سارو تحت ومالحقت
طبعن تراني اقص عليكم طبعن بس احب اسووي حق عمرييه حركات
بس هاييل النفرات الزينين احسن ناس فالعالم اللي قيموني

إإنزين:*
طبعن اليوم كان بائس و الناس اللي تتحرطم من بؤسي البؤؤس
تراني اليوم ع الغدا اقول حق اميه ؛ انا مراهقه لازم ابتئس و اميه جي تجوفني

بقولكم , من يومين لاه كنت آقرا المدونات يعني اطالع شو يسوون الناس خل اسوي نفسهم
فـ شيسمونه لاحظت شي , وايد منكم تكتبون السوالف و الحوار يعني بالاصح , ويا الناس

يعني مثلن
انا:عععععععععع عاعاعا
مادري منو : غوغوغوغو

المهم يعني ؛* فحبيت اسال كيف تحفظون الرمسه
يعني انتو تكتبونها و انتو ترمسون ولا شو السالفه

بقولكم ترا اذا سوييت جي و حطيت حوار و شيسمونه تراه من تاليفي
آآخبركم يعني

المووهم ؛*
آقولكم مسويين معرض في اكسبو مال المواهب عاد مدرستنا مشاركين و قلت بشارك تصوير هالسوالف
عاد خبرتكم سالفه اللوحه والاطار المخيف

هاذي هي اللوحه ؛*

و آمس خليت اخوييه يسير المطبعه يسوي لي صور ثانييه
ويابلي ياها المدرسه , بس للعسف اونه اكتفينا و بطيخ بطيخ بطيخ

جان آحقد عليهم
و تمييت اخز الاخصائييه طول اليوم

آحسن تستاهل عيل انا المسكينه البائسه تعبانه و مسوييه اللوحات
و مخسره فليساتي و آخر شي تقولي ماتبا
وااااااالله

لوحاتي الجميله اللي محد سوالها سالفه . ,

عـآد من ساعه اول ما بديت اكتب الرد اتصلت فاشن وقالتلي ايبي اللوح
بنعرضها , ’
وجـآن آفرح وقررت آعين فاشن مكان الاخصائيه , .

إنزين ؛* عشان جزززيه , شوكرآ فآشن من صميم القلب
رقوصه حق فاشن

وشيسمونه كلكم سيرو المعرض و اشترو اللوحات و ساهمو
في فرحه تفله بائسه
و لا ترا شيسمووونه لا تخلوني احلف يمين بس

عاد اقولكم اليوم يوم رديت من المدرسه جفت شي جميل
حاطيين لي كفر جميل ع السرير

آآ آحب هالالوآآنّ الجميله

آآقولكم عـآد اناا المره اللي طافت غيرت كفري لاه لانه كان يطلع ريش
فكم مره كله جي يطلع ريش واقوم الصبح واخاف

مادري ليش احس بيستوي فيني نفس قصه امبوحتلش مال البقره
الي تمت تتكلم والدم مالها يتكلم وكرشتها يوم تقول حق الساحره امبوحتلش عيوني شوافتلش
قروني نطاحتلش واذا قربتي منهم بنطحششش

فحسيت ان الريش جزء من الديايه فهي بتتكلم جان ازيغ

عاد اقولكم هاك اليوم كنت موديه الاب المدرسه
وموصلتنه فالداتاشو وحاطه صوره مريوم بنت خالي

عاد البنات اونهم كيووووت آونه فديتها عسسل منو هاي
والله ماداني هالحركات

إنزين ؛*

آقوكم ترآني إنسسانه مفلسه من آمس بس الحين آنا مب مفلسسسه
, ×

والله شو ها من يومين حاطه رصيد افتقرت

ووااااااااااااالله العززززيم

إنزين عاد آقووولكم بآجر بناخذ درس الزوااااج
من آول السنه واحنا نتريا حشا حتى فالدرس اذلال . ,

المهم ؛*
في انسانه حزينه آحبها
صراحه عندي اشياء بحطها بس برمس نوني

يالله تصبحون ع خير يا حلويين
آحلام حزينه

تعالى وجل خلاّقه
{ فديته . .
حسنها البراااق

الإعلانات

17-10-2010

مسا الحزن والبؤس
حاليا اكتب و اشفط مخاخيطي الحزينه من انفي الحزين
ومادري استوالي ساعه اكتب واكتب واخر شي اسوي كنترول و A وامسح كل شي
اليوم يوم بائس من ايامي البائسه
فيني صداع مب طبيعي من امس و كله من الست نوني اللي جنه هي اول واخر بشريه تدخل الجامعه
مع انه جدولنا كان خفيف اليوم و نص الابلوات مادرسونا
وابله العربي كانت نازله عليها الاناقه فحسيت بمتعه الضحك في حصتها
الا ان اليوم كان بائس بؤؤس
ساعات احسني فاشله من افشل فئات المجتمع
كان عدنا امتحانين اليوم بس للعسف خبصت فيهم , مادري بس احس سائل الغباء فمخي زايد وهو اللي يضغط ع الجمجمه فيسبب لي صداع
<< – – ارمس جدا عن حد يضحك و يجرح مشاعري
من دخلت الثنويه وانا والدراسه عدايل مانتواطن
ماحب ادرس ولا اشارك فلانشطه ولا البطيخ بطيخ بطيخ كلها احسها اشياء تافهه
تقص علينا الاخصائيه خل نسوييها وتم تضحك علينا
آآممم عندي باجر امتحان عربي درس و جغرافيا شفوي درس و شو بعد ياربييه
هي رياضيات كويز
تعرفون اليوم اول مره فحياتي احس اني اخبص فامتحان العربي
بس عادي كل الناس تخبص فامتحان العربي
اصلن اللغه العربيه في ضياع
ااممم اليوم شاركت فمعرض تصوير واستوت حرب وقتله وازمه بسبب هالمعرض وفي اي صور بشارك
و اخر شي حمضت صوره وحده و بروزتها برواز فضيع ويوم يابها اخوييه من الاستيديو حسيت بقمه الفشل
و الحزن والبؤس و غير التعليقات من مني و من مناك عن البرواز و عن الصوره اللي زادتني خيبه امل
بغيت احلف يمين ماشارك فمعرض مره 2

آآآممم شو بعد شو بعد

اتمنى ان مافي حد يقرا لين هالجزء لان لايعه جبدي من اللي كتبته بس قاعده اطالع الكيبورد واخربط مافكر اجوف انا شو قاعده اكتب

بخلي الصفحه نص ساعه بصور كمن صوره بائسه و برجع ببؤس و بحط الصور

تعرفون سبب من اسباب الصداع اللي فيني

العفيسي الفضيعي اللي فغرفتي
عاد قلت حق الشغاله امس تغير كفر السرير وتتشرف وتتكرم علييه وتنظف الغرفه
ولها مني جزيل الشكر

عاد وهي تغير الكفر مال السرير حصلت شغابه طايحه تحت الفرش
وانا اقوووول ماعرف ارقد من يومين

آآممم ؛*
آمس نوني كانت حارقه الفون تبيني اسير بيتهم
ياخي كل ويكند ايي بيتكم بس لاه
والحين هي وياي ع الخط وتسوي اصوات غريبه
الله يهديج يا نوني

ويستمر البؤس

آآممم وبس تحرطمت ورفهت عن نفسييه شوي
بخليكم الحين وبرقد وبحلم احلام بائسه نفسييه
الى اللقاء

تدريٌ وش معنى تضيقُ /الوسيعهُ؟
معناتها اني بينُ ( ميت ومحتاجٌ)
وان الثواني ماتعديٌ سريعهُ!
واني عجزت القى مع العالمُ..علاجْ

14-10-2010

مساكم ويكند ~
شحالكم . . ؟ طيبين انشالله . . ,

آآآ شيسمونه ؛ مبروك عليكم والويكند
مابغا يخلص الاسبوع

صراحه ها آكثر اسبوع كنت ابييه يخلص
اخيرن خلص المضاد ؛*
و عند آخر رمق آكتشفت ان ع الغدا حبتين و العشا حبتين

وانا طايحه كل يوم ابلع حبّه . ,
اوووففف طمامه آحس

المهم ؛*

™ ṨeṼeŊ-Ǚṕ ™ , غايـ’ة آلإبداع , * є в d α 3 , {EĻŖO7 ŢfďaK ~●
اوووووف , َغيآبْ.!

كولوكوو مشكورين ع التقييم و المرور الطيّب
نورتو بعد شبدي . , وهاي رقوصه حقكم . . ~

آآآآ هاذا ؛*
آحب يوم الخميس , صراحه احسني فقمه الروقان الحين
اسمع عبادي الجوهر سكه طويله

وآشرب ماي , يعني شي جميل

يعني بقولكم صدق صدق ؛*
المطربين اللي احين يغنون تفهمون منهم شي ؟؟

هاك اليوم لاه من زمان يعني وحده كنت اقردنها مطرشتلي اهداء اونه
فتحت الاهداء ” اباك اباك ابيك ابيك و عقب ماعرف عععععرررر غغغغغ ععععع عاعاعاعا بطيخ بطيخ وسلامتكم “
وخلصت الاغنيه

بعد انا تلومت خفت البنيه يعني تناقشني فالاغنيه وانا ماعرف شو السالفه
سرت فتحت قوقل و كتبت ” كلمات اغنيه اباك اباك ابيك ابيك ” وطلعت الكلمات و قريت الكلمات
و نسختلها مقطع و قتلها يااااي هالمقطع عذااااب ثااانكسس يا قلبي

ويحليلها يحليلها استانست
لا جد الاغاني الحين سخيفه , اصلن محد يعرف يغني غيري

وجزيه يعني آقولكم ؛
من الملل قاعده اجوف الصور اللي فلاب
هاي كمن صوره قلت بحطها ؛*

كنّا فعزيمه وحفله يهال ,
مادري شو سالفه الصوره يعني بس جي عيبتني لاه

هاذا متوه خالي الحزين

يوم سرنا المانيا خالتي اتصلت حق خالي وقالتله
ترا المتوه مات , وتم حزين وماطلعنا هاك اليوم و جي حزينين

بس ترا هو مامات اصلن للحينه حي يرزق
بس ع اييد مريوم بنت خالي بيموت انشالله

و ع طاري المانيا

بخبركم عن قصتي الحزينه يوم سرت المانيا
كنت انسانه بائسه وحزينه واراهق بصمت و البؤس في عيوني

صدق صدق كنت بائسه فالمانيا واحسب الايام متى بنرجع
وخلاص يعني قررت ماسافر هالصيف

<< – – اللي يسمع يقول حزن كل صيف شاله قشج ومصيفه فمكان
هي انزين اصلن احنا كله نسافر بس السنه اللي طافت واللي قبل اللي قبلها و
من ردينا من البحرين سنه 2003

إنزين ؛*

اقولكم من اول يوم سارو الجمعيه وماخلو بصل و رويد
و سمج و دياي وعيوش ومرق مايابووه

كنّا تقريبن كل يوم نطبخ و عاد انا لاه اسوي عمرييه راقده
و ايووع عمريه اموووت يوووع بس عشان ما يطبخوني وياهم

يقولكم هنييه كنّا سايرين حديقه الفروله في هالحر والاهوب
و لقطنا فروله و انقص نعالي و ردينا البيت واختربت الفروله كلها ولا حد كلها

يعني مادري ليش سويينا اعمارنا رقيقين و سرنا نقطع فروله
احنا مال نتسلق ونقطع لوز مب مال فروله

وشو بعد شو بعد ؛*

هالمنظر اللي كانت شقتنا تطلع علييه ,
عاد انا كنت اعيش الجو و جي اقعد عالبلكونه و اعق الشيله و اسمع محمد عبده يا دموعه و جي حزينه
و يدخل علييه خالييه ويهزبني و اتادب

هاي الصوره فالحديقه اللي دوم كنا نسيرها

يحليلهم يحليلهم ؛*
احس لو كانت طفولتي جي بنتحر ,
يعني صراحه طفولتنا احلا بوايد , ايام انستازيا و ديمتري
عاد كنا كلنا نبي نكون انستازيا

فكانت انستازيا 3 شخصيات انستازيا و انيا و انستيشيا
عشات محد يزعل لاه و كان شي ديمتري و شسمه الشرير ياربيه

اوووففف نسسيت شو اسمه المهم بسال اختييه عقب

مشالله عليها

هاي فطوم اختييه و تسريحاتها العجيبه
ع قوله يدي بلاد ما تعرف حد فيها %^%^ و %6%$ فيها
~

هاي الليقو لاند

وهاي اللعبه لاه انا وعمتييه وقفنا فالطابور ساعه عشان نركب
عقب يا الوالد وقال لاااااااااا شو خباييل تركبون هاللعبه . , ~

وودونا السرك عشان ما نزعل اونه

عاد الله والسرك ,
عمل من لا عمل له , . ~

آآخ سطلت . ,
بس ما برقد بطلع حره المدارس

نكمّل ؛~

هاييل لاه كانوو يفرون هاي الجره الفخار و يلقطونها بروسهم
اميه وخالتيه مصريين انهم سحّار

اونه امييه تقرا عليهم المعوذات عشان تطيح الجره

هاي الصوره فميونخ , حتى هناك ترقيم

ها بعد فميونخ , والله احسن من ما يشحتون

هاي دريوليتنا الالمانيه

إهداء حق نايقلا اختييه
بمناسبه انها اكتشفت انييه فاتحه مدونه
حشا محد يسوي شي فراس الخيمه الا درو عنه , ,

هاي الكنيسه فالبلاك فوريست , الغابه اللي ضاعت فيها ليلى
يوم ياها الذيب

المكان هنييه كان يخووف جي كنيسه و ظلام و يعزفون هاللحن المخيف مالهم
وافوادييه تبيردت عليهم هناك

وهاااي سويسرا القميله
هنيه كان ع آخر الايام , خلاص يعني بنرد البلاد

حسسيت ان السيد ربيع داخل

و الحين آخر مكان سرناه ؛ النمسا
وانا طفرررت خلاص

متعايزه اكمل بس ملانه شو نسوي بعد

هنييه لاه كنت اضبط الكام و اسوي حركات و اتصور جان تدخل علييه اختييه
و تمت تضحك

يعني شو ماتصور مثلن , مب كل يوم بسير النمسا انا , وااااالله

ها حمار القايله جفتوه

القصه الحزينه هنييه ؛*
يقولكم كنت امشي جان اييني انجليزي وقعد يرطن
عاد انا روحي طمطمه ماعرف شي

المهم ويقولي يالله وتعالي وبراوييج شي
سرت انا بعد وياه , وقفني ع خط وقالي جوفي

اقوله شو اجوف ؛ يقولي جوفي ماما ميري مادري شو يسميها
لابسه التاج يالله صوريها

آحين انته ياللي ماتستحي متلتلنيه من مناك تقولي تعالي جوفي ماما ميري لابسه تاج
والله حاله , .

المهم صورتها عن خاطره زين ما مات علييه شو اسوي فيه عقب

وها بعد مادري شو مشكلته فالحياه
ميمعله كرمتو جلاب و يدقدق ويغني ومادري شو

ها مادانيته ؛ اونه يوم جافنا قاللنا السلام عليكم
خالي بغا يحلف يمين انه مصري

وها حلوو , استيديو يلبسونكم هالثياب و بواريك وجيه
ويصورونكم مال اول عيبني

عقب سرنا فوق اليبل فالتلفريك كان شي مطعم هناك
و اختييه طلبت سندويجات جبن و خضره

يابولها هاذا ؛
سؤال ؛ وين السندويجات فالسالفه

هالقبر لاه تووه يديد كان ؛ عاد انا ارفسه فطرف ريليه و اقول هلووو هلوووو
والاجانب كلهم تيبسو وقعدو يطالعون

جان اسوي عمرييه معصبه و سرت

رشود متيبس من الخوف من هاايل الدياجه اللي ورا

هنييه عاد ع آخر الايام , ~
كان برررد و ها جدول ماء ,

عاد انا نزلت جان يقولولي اطلللللللللعي بتتزحلقين و بتطيحين و بتنكسر ريلج
. , ~

تمت لي صور حديقه الحيوان و بخلص
ومابستسلم و بحط كل الصور

هاييل ززين سووت فيهم ملكه القلوب اللي في اليس
والله خاطري اسوي فيهم نفس الشي يستاهلون

وهاييل السبلان الطفسيين

ما تحسوونه خبيث
يعني جي وكيله , مديره , مادري احسه جييه

حماره القايله
احيد يوم كنا يهال كانت شغاله بيت يدتي القبليه الله يرحمها
” يدتي اللي الله يرحمها مب الشغاله ”
إنزين موخييه تخم صوب الدريشه , واحنا نتحراها حماره القايله
لان ماعندها راس

مادري هي اللي مسوييه قصتها نفس بنات مدرستنا
ولا بنات مدرستنا مسويين قصتهم نفسها , بعدي افكر فالموضوع

و بسير للملا علي و اقوله يا ملا علي شاهد ولا بنيه

و شو بعد شو بعد ؛* انا سعيده سعيده
اني خلصت اخيرن , وان ماجفت تقيماتكم هالمره يا ويلكم يا سواد ليلكم

روحي حاقده ع السيريفر مادري شيسمونه
عقب ماخلصت قالي والله حاطه وايد صور ومسحت نص الصور

يالله بقوم اتفاهم ويا الانسانه اللي تناقعت وياها من ساعه
ادري راقده بس جي نذاله

و بحط راسي وبرقد
و تصبحون ع خير ,, احلام كابوسيه

13-10-2010

مسااكم حبّ
شحالكم , . ؟ شخباركم

ولهت ع بقعتيه , .

بصراحه انا اليوم في قمه البؤس
حزينه و حزينه و حزينه

اقولكم مس الانجليزي لاه
قمت وايد احبها . ,

عطتنا كوبون 100 من كارفور
عشان قروبنا فاز لاه

عاد انا فحصتي يعني فبيزاتي يعني فمادري شو يقولون عنها
قتلهم ايبولي رصيد

جان احبها مس الانجليزي

بس بعدي احط قطن فاذني فحصتها
صدق صدق صوتها ازززعااااااااج

ضجيج ضوضاء شو هااا

” رصيدي القميل . , ~

تجوفون كتابي الفيزياء . .
باقلنا كم درس و نخلصه

ويلوموني فحبك يالادبي . , ~
وعاد الكتاب كله شو نيوتن الاول والثاني والثالث
و كمن تعريف . . ~

ناس تدور الخساير . .

اقولكم ؛ في شيين اليوم كرهتهم

لومي و فلفل! , اشرها مب عليكم
علييه انا اللي مخسره ريالين ع نمكيكم
لو ماخذتلي جبس بوديايه احسنلي

و هالشي البائس بعد مادانييه

عزيزتي فاشن ؛ بخصوص القلم اللي عطيتينه ياه وتقولين انه خروف
جايفتني حوله ماجوفه سبال مثلن

المهم يعني صندليقتي ثانكسس عالقلم القميل
وادري انج خذتي الحلو وعطيتيني المب حلو بس عادي سامحتج

المهم ؛ اآقولكم انا بائسه آحين فبقوم اسوي شي بائس نفسي
الى اللقاء


رَبِيّ :
| قُل لإمنيَآتي كٌوني !

صديقان

صديقان نحن، فسيري بقربي كفا بكف
معا نصنع الخبر و الأغنيات
لماذا نسائل هذا الطريق .. لأي مصير
يسير بنا ؟
و من أين لملم أقدامنا ؟
فحسبي، و حسبك أنا نسير…
معا، للأبد

 

 

 

* محمود درويش


حزينه لابعد الحدود

3-10-2010

مسسساكم امتحان احياء
و انسانه للحين ما بطلت الكتاب

شحالكم ؟ شخباركم ؟ طيبين انشالله
اخيرن تفيجت وكتبت , الويكند فتره نقاهه عن كل شي

ولـآ جنه عندي امتحان
~

يقولكم الجمعه سرنا عالبحر انا ونوني و جفنا البنات والبويات
و الناس اللي شاده حيلها ~
و خزيناهم كلهم لان ماكان عدنا شغله

بس كان حلو ووناسه و الجو جميل
~ > محد منكم كآن هناك

وفديت روحها نوني خذتلي جبسات و حلويات
وقعدنا ع البحر ناكل ونسوولف

كآن يوم ولا آروووع

المهم و آمس سرت مردف و سوييت شوبنق
شعور جميل

~ الفروض اكون منزله الرد من آآممم 4 ساعات
بس بناتي كانو يايين يزوروني

مريوم وآمون حبايب آلبي

و هاذا صح ؛* عندي امتحان احياء
شعور حزين الصراحه

طبعن تونا اول السنه بسوي عمريه متفوقه قلت حق نوني انا برقد قعديني
4:30 يوم قعدتني يلسنا نسولف و جــآآآآآآن


ينقع البوكس

ماله داعي الرمسه اللي قبل نوني كانت تعبر عن غضبها بشده
و اضاربنا واضاربنا و تعاجلنا و ماخلينا شي اخر شي تصالحنا

المهم ؛*

اقولكم امس قبل لا ارقد كنت قاعده ع الاب و اكل مستر كريسبيس
جبسي اللزيز و المفزل
و ليييييييين الحين طعمه فحلجي , لايعه جبدي من الخاطر

~ فديت روحه

هي صح يوم السبت سرت المستشفى
شيسمونه ؛* فيني بكتريا في معدتي لاه

عاد الدكتور ماصدق , ” خليت شي يا دكتور

حشا قطو في بطني مب بكتريا

كنت براوييكم صور بطني من داخل يوم سوييت منظار
لاكن ادري خلق الله يع و يع

شيسمونه ؛*
يقولكم في اكسسسبو شي اساور قميله عليها اسامي

<< ~ مب باجر اجوف الصوره مسوايه حق المسن
عاد الحين خلق الله ” احنا ما ناخذ من اكسبو ”

توه لا يوم نزلت اجوف مريوم وامون
رآشد بطل الاسعراض تــولاني

جوفيني و جوفيني
مادري شو شال , من الله دوشك

المهم وايد خربطت اليوم ؛*
شو اسوي من الملل والفراغه ماعندي شغله

<<~ جي وامتحان الاحياء اختيه

يالله يا حلويين احلام سعيده
و دوام تعيس باجر

تصبحون ع خير

بشتاقلك آكثر يا قلبي

28-9-2010

 

مســآآآء الشوووقً ~

 


شحالكم , شخباركم , شو مسويين ؟؟ 

اليوم بتحرطم وبتحرطم وبتحرطم

 

 

آقولكم من نشيت الصبح وهالتسطيله فعيوني لين مارديت البيت

 


 

وشيسمونه ؛* عله الزمن خذتنا حصتين

 


يعني والله كتاب التاريخ سلحه ,, حصتين حق شوووو  

يعني ابله التاريخ تبي تحسسنا ان مادتها مهمه بالغصب

 

 

و هاذا ؛* مس الانجليزي يعني الله يهديها تزاااااااااااااعق
آونها نشيطه

 

و شيسمونه ؛* المديره استواها اسبوعين ماداومت
و مال المقصف فــقرتني صراحه تبايعني كل شي بريالين
 

والاخصائيه الله يهديها قاعده وتسويلنا محاظره

 


الاهداف والبطيخ  

وعطونا كتاب بعد

 

 

 

 

اونه عشان نسوي اهدافنا

 

 

آحسن وحده ابله العربي

 

 

 

 

الحصه كلها قراءه صامته

 

 

وهاذا ؛*

 

 

 

 

اليوم كاشخه آآوني

 


عشان يايبنلنا كنب فالكانتين  

و قلت بكشخ وبسير اقعد عليه

 

 

بس يوم سرت ماكان شي مكان

 


تميت حزينه طول البريك  

~~~

 

 

 

 

آآآ آآآآآآ هاذي شنطتي لاه

 


شو اسوي ماعندي شي آحطه جان احطلكم شنطتي  

تعرفون احسن شي فالادبي ان عدنا وايد مواد

 


فتتوزع ع الجدول , فماتستوي عدنا وايد اشياء فاليوم  

إنزين بقولكم سمعتو عن الفعاليات اللي بتستوي عند بحر معيريض

 


يوم بس للبنات و ملعب صابون و نقازيات ومن هالسوالف 

الجمعه الياي انشالله ,, كلكم تعالو

 

 

عـآد انا اتحرآ الجمعه اللي طـآآف ,

 


و كاشخه ومستانسه وعازمه نوني و يالله بنسير البحر  

يوم سرت ولا محد هناك

 


عقب اكتشفت ان الجمعه اليايه  

عاد غمضت عمري

 


جان اسير ويا بنت خالي واخواني الصغار ع الكورنيش 

 

 


عليه حركات هالولد

 

 

 

 

و تيتي تيتي مثل مارحتي رديتي

 

 

وشو بعد شو بعد ؛*

 


بس خلصت , بقوم احل واجبي الرياضيات و بقرقر شوي ع الفون
و بسبح و بصلي و شو بعد شو بعد 

ماشي بحط راسي وبرقد

 

 

~ صح النفرين اللي قيموني ” ديفرنت و اوووف ”

 


طانكيوو و نورتو بعد جبدي  

يالله تصبحون ع خير

 

 

 

 

لا تصدقونه يوم لي قال ناسينـــــي
والله مايقدر ابد يوم ينسانـــــــــــي
انا اتحداه اذا يقدر يخلينــــــــــــــي
مسكين كل ما اصد انا عنه نادانــي

~

27-9-2010

مساء الخير والورد والفل والياسمين

شحالكم شخباركم . . , ؟
طيبين إنشالله . . ~

اليوم صرآحه المود رآيق وكل شوي كويس ومش بطّآل
كان عندي مشروع اسير السينما فلم ستيب اب بس من حوبات اختيه

هاذا ؛*
يآخي عدنا بنات تحف فالسكول خص اليوم يوم دخلت المسن

وآآآي باسسستج وآآآآآي كيووت وآآآآي آقوى شي

درر يا ناس درر

حبتين

عوآشر هاييل
الحين هم اول السنه يجوفون ابلوات الفيزياء و الكيمياء و و الخ
شي عظيم

آحسها ما مصدقه تدرس فيزياء وكيمياء و جيولجيا واحيا

من بدت السنه وهي نكاتها ” الكيمياء اساس العلوم , الفيزياء غير “
وحليلش انتين

بس حرمتن زينه تراها . . ~

إإنزين , شيسسمونه ؛\*

عندي آيه دين شطولها و للحين ماخلصت حفظ
و شيخه الازهر ابلتنا مال الدين متحلفتلنا حلاليف الساحره ان ماحفظنا

مايبين شي لاه . .
هاذا برودكاست مطرشيته ربعي

آآونه : عزيزتي مس الاقتصاد بخصوص جلابياتج
القطن 100%
دوده قز مثلن

ضحكوني صراحه

, . . ~ شو بعد شو بعد
مآشي خلصت سوالفي شكلي بستسلم للامر الواقع وبقوم احفظ الايه

آآجوفكم ع خــير بووكرآآه

همســه ~

صـح يـآآ قلبي صح

يُـا لَهفْتـّي ؛*

30 – اكتوبر – 2010

6:35 مساء

السبت

 

 

 

 


هي قالت لي كذبت
أنت أحببت سواي
وادعيت
وافتريت في الغياب
ونسيت
أن في معيريض قلباً
صار شيئاً من حطام
لا كلام
لا سلام
لا ولا حتى سؤال من بعيد
قلت يا معيريض كفي عن عتابي
فاقد الشيء .. فقيد
فاسألي عني حروفي ….كائنات
ما غفت يوماً ولا حدق الطرف
إلى شوق سواكِ

علي ابوالريش*